Bilbo. Urriak, 20.
Joan den urriaren 20an lan-jardunaldi bat egin zen Sareen Sarean, EUSKALITekin batera: “GJHak Hirugarren Sektore Sozialean”.
Kudeaketa Aurreratuaren Europako Astearen esparruan, gure sareak bildu egin dira jardunbide egokiak eta proiektuaren aurrerapenak partekatzeko eta GJHak gizarte-erakundeen kudeaketan eta funtzionamenduan nola txertatzen diren hausnartzeko.
Jardunaldi honek Sareen Sarearen sareak jarri ditu erdigunean, Euskadiko Hirugarren Sektore Sozialean lankidetza, ikaskuntza partekatua eta berrikuntza soziala errazteko dugun zeregina erakutsiz. Koordinazioari esker, erakunde parte-hartzaileek honako hauek egin ahal izan zituzten:
- Sareen lana nabarmentzea
- Sareen Sarea – Euskalit proiektua eta haren helburuak aurkeztea
- Eragin positiboa eragin eta eragiten duten jardunbide egokiak erakustea
- Ideien eta esperientzien trukea sustatzea, dinamika parte-hartzaileen eta elkarrizketa-guneen bidez.
Esparru horretan, EAPN Euskadik “Mesa Camilla metodologia” deitzen diogun lan-metodologia propioa aurkeztu genuen. Metodologia hori hainbat ekitalditan erabiltzen da, politika publikoen iritziak biltzeko eta kontrastatzeko, eta hainbat publikori egokitu dakieke, hala nola kargu politikoei, profesionalei edo gizarte-zerbitzuen erabiltzaileei, eta aukera ematen du aldi bereko eztabaida eta elkarrizketen ondorioak denbora errealean ateratzeko.
Euskalitekin batera eta Lehendakaritzaren bultzadarekin garatutako proiektuak Hirugarren Sektore Sozialean 2030 Agenda eta GJHak sustatzeko konpromisoa indartzen du, erakundeak konektatuz, sinergiak sortuz eta sareek Euskadin inpaktu iraunkorra sortzeko duten gaitasuna indartuz.